ബിബിസി സംപ്രേഷണം രാജ്യത്ത് നിരോധിക്കണമെന്ന് ആവശ്യപ്പെട്ടുകൊണ്ടുള്ള ഹര്ജി ഇന്ന് സുപ്രീം കോടതി പരിഗണിക്കും. ഹിന്ദുസേന നേതാവ് വിഷ്ണു ഗുപ്തയാണ് ഹര്ജി നല്കിയത്. ബിബിസി തെറ്റായ വിവരങ്ങള് പ്രചരിപ്പിക്കുന്നു എന്നാരോപിച്ചാണ് ഹര്ജി. ബിബിസിക്ക് രാജ്യത്ത് സമ്പൂര്ണ നിരോധനം ഏര്പ്പെടുത്തണമെന്നാണ് ഹര്ജിയിലെ ആവശ്യം. രാജ്യത്തിനകത്തെ ബിബിസി ഇന്ത്യയുടെ പ്രവര്ത്തനവും നിരോധിക്കണമെന്ന് ഹര്ജിയിലുണ്ട്.
