ബിജെപി പ്രസിഡന്റായിരുന്ന രാജ്‌നാഥ് സിംഗ് കേന്ദ്ര ആഭ്യന്തര മന്ത്രിയായതിനെ തുടര്‍ന്നുള്ള ഒഴിവിലേക്കാണ് അമിത് ഷായെ പരിഗണിച്ചത്. നരേന്ദ്ര മോഡിയുടെ വിശ്വസ്തനാണ് അമിത് ഷാ. മോഡി ഗുജറാത്ത് മുഖ്യമന്ത്രിയായിരുന്ന സമയത്ത് അമിത് ഷാ ആയിരുന്നു ആഭ്യന്തര മന്ത്രി. 2010 ല്‍ വ്യാജ ഏറ്റുമുട്ടല്‍ കേസില്‍ ആരോപണ വിധേയനയതിനെ തുടര്‍ന്ന് അമിത് ഷാ മന്ത്രി സ്ഥാനം രാജിവെച്ചിരുന്നു. അമിത് ഷായുടെ സ്ഥാ‍നാരോഹണത്തോടെ പാര്‍ട്ടിയിലും മന്ത്രിസഭയിലും നരേന്ദ്ര മോഡിയുടെ ആധിപത്യം സമ്പൂര്‍ണമായെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്.
