നടി വിജെ ചിത്രയുടെ മരണത്തില്‍ ഭര്‍ത്താവ് ഹേംനാഥ് അറസ്റ്റില്‍. ആറുദിവസത്തെ ചോദ്യം ചെയ്യലിന് ഒടുവിലാണ് അറസ്റ്റ്. ചിത്രയ്ക്ക് മാനസിക പീഡനം ഏല്‍പ്പിച്ചെന്ന കണ്ടെത്തലിനെ തുടര്‍ന്നാണ് അറസ്റ്റ് രേഖപ്പെടുത്തിയത്. ഡിസംബര് 9പുലര്‍ച്ചെയാണ് ചെന്നൈയിലെ നസ്രത്ത് പേട്ടിലെ ഹോട്ടലില്‍ നടിയെ തൂങ്ങിമരിച്ച നിലയില്‍ കണ്ടെത്തിയത്.
നേരത്തേ ഹേംനാഥിനെതിരെ ചിത്രയുടെ കുടുംബവും ആരോപണങ്ങള്‍ ഉന്നയിച്ചിരുന്നു. ദിവസവും ഇവര്‍തമ്മില്‍ വാക്കുതര്‍ക്കം ഉണ്ടായിരുന്നുവെന്ന് പൊലീസ് പറഞ്ഞു. മരണദിവസം ടിവി പരിപാടി കഴിഞ്ഞ് അര്‍ധരാത്രിയോടെയാണ് ചിത്ര റൂമില്‍ വന്നത്. പിന്നീട് ബാത്‌റൂമില്‍ കയറിയ ചിത്ര വാതില്‍ തുറക്കാത്തതിനെ തുടര്‍ന്ന് ഭര്‍ത്താവ് ഹോട്ടല്‍ ജീവനക്കാരെ വിവരം അറിയിക്കുകയായിരുന്നു.
