ആടിനെ ദേശീയ സഹോദരിയാക്കണമെന്ന് സഞ്ജയ് സിംഗ്
പശുവിനെ ദേശീയ മൃഗമായി പ്രഖ്യാപിക്കണമെന്ന് രാജസ്ഥാന്‍ ഹൈക്കോടതി ജഡ്‌ജി മഹേഷ് ചന്ദ്ര ശര്‍മ ആവശ്യപ്പെട്ടതിന് പിന്നാലെ വിചിത്രമായ ആവശ്യവുമായി ആം ആദ്മി പാര്‍ട്ടി നേതാവ് സഞ്ജയ് സിംഗ് രംഗത്ത്.
ആടിനെ ദേശീയ സഹോദരിയാക്കണമെന്നാണ് സഞ്ജയ് സിംഗ് ട്വിറ്ററിലൂടെ ആവശ്യപ്പെട്ടിരിക്കുന്നത്. “ ആടിന്റെ പാല് ആരോഗ്യത്തിന് നല്ലതാണെന്ന മഹാത്മാ ഗാന്ധി പറഞ്ഞിട്ടുണ്ട്. അതിനാല്‍ ആടിനെ ദേശീയ സഹോദരിയാക്കണം ” - എന്നാണ് സഞ്ജയ് സിംഗിന്റെ ആവശ്യം.
അതേസമയം, സഞ്ജയ് സിംഗിന്റെ ആവശ്യം ബിജെപിയെ പരിഹസിച്ചു കൊണ്ടുള്ളതാണോ എന്ന കാര്യത്തില്‍ സംശയമുയരുന്നുണ്ട്. അദ്ദേഹത്തിന്റെ ആവശ്യത്തെ അനുകൂലിച്ചും പരിഹസിച്ചും നൂറ് കണിക്കിനാളുകളാണ് ട്വിറ്ററില്‍ കമന്റ് രേഖപ്പെടുത്തുന്നത്.
