‘വിശ്വരൂപം‘ കാണാന്‍ തമിഴ്നാട്ടുകാര്‍ക്ക് യാത്രാ നിരക്കില്‍ ഇളവ്!
വെള്ളി, 1 ഫെബ്രുവരി 2013 (16:10 IST)
PRO
PRO
ആഗോള ഭീകരവാദം പ്രമേയമാകുന്ന കമലഹാസന്റെ സ്പൈ ത്രില്ലര്‍ ‘വിശ്വരൂപം’ വെള്ളിയാഴ്ച രാജ്യവ്യാപകമായി റിലീസ് ചെയ്തു. എന്നാല്‍ തമിഴ്നാട്ടിലെ കമല്‍ ഫാന്‍സ് മാത്രം നിരാശയിലാണ്. ജനുവരി 25 തീയേറ്ററില്‍ എത്തേണ്ടിയിരുന്ന ചിത്രം സംസ്ഥാന സര്‍ക്കാരിന്റെ നിരോധനത്തെ തുടര്‍ന്ന് വൈകുന്നത് തന്നെ കാരണം.
കേരളത്തിലും കര്‍ണാടകയിലും ആന്ധ്രാപ്രദേശിലും ‘വിശ്വരൂപം‘ ഇറങ്ങിയപ്പോള്‍ തമിഴകത്ത് മാത്രം ചിത്രം എത്തിയില്ല. തമിഴ്നാട്ടില്‍ നിന്ന് മറ്റ് സംസ്ഥാനങ്ങളിലേക്ക് പോയി പലരും ചിത്രം കാണുന്നുണ്ട്. അങ്ങനെ പോകാന്‍ ആഗ്രഹിക്കുന്നവര്‍ക്ക് സന്തോഷവാര്‍ത്തയുമായി എത്തിയിരിക്കുകയാണ് ടിക്കറ്റ്ഗൂസ്.കോം എന്ന ഓണ്‍ലൈന്‍ ബസ് ടിക്കറ്റ് ബുക്കിംഗ് പോര്‍ട്ടല്‍. ഈ സൈറ്റ് വഴി ബസ് ടിക്കറ്റ് ബുക്ക് ചെയ്ത് ‘വിശ്വരൂപം‘ കാണാന്‍ പോകുന്നവര്‍ക്ക് യാത്രാ നിരക്കില്‍ അഞ്ച് ശതമാനം ഇളവ് നല്‍കും എന്നാണ് സൈറ്റില്‍ പറഞ്ഞിരിക്കുന്നത്.
ടിക്കറ്റ് ബുക്ക് ചെയ്യുമ്പോള്‍ ‘വിശ്വരൂപം’ എന്ന ഡിസ്കൌണ്ട് കോഡില്‍ ക്ലിക്ക് ചെയ്യണം. വെള്ളിയാഴ്ച മുതലാണ് ഈ ഓഫര്‍. വീക്ക്എന്‍ഡ് ആയതിനാല്‍ ആളുകളില്‍ നിന്ന് നല്ല പ്രതികരണം ലഭിക്കും എന്നാണ് ഇവരുടെ പ്രതീക്ഷ.
