ടൂര്‍ പാക്കേജില്‍ പോകുന്നതാകയാല്‍ കേരള ഹൌസില്‍ എത്തുന്നവര്‍ക്ക് താമസവും ഭക്ഷണവും നല്കും. എന്നാല്‍, നാട്ടിലേക്ക് ടിക്കറ്റ് നല്കാന്‍ നിവൃത്തിയില്ലെന്നും മന്ത്രി അറിയിച്ചു. മലയാളികളായ ഒരാള്‍ക്കും അപകടം സംഭവിച്ചതായി ഇതുവരെ അറിയില്ലെന്നും ഡല്‍ഹിയില്‍ എത്തിയ മന്ത്രി പറഞ്ഞു.
അതേസമയം, ഇന്ത്യക്കാരുമായുള്ള ആദ്യവിമാനം ഉച്ചയ്ക്ക് ഒരു മണിയോടെ വിമാനത്താവളത്തില്‍ എത്തും. കേരള ഹൌസ് ജീവനക്കാര്‍ വിമാനത്താവളത്തില്‍ എത്തും. മലയാളികള്‍ ആരെങ്കിലും എത്തുകയാണെങ്കില്‍ അവരെ ഉടന്‍ തന്നെ കേരള ഹൌസിലെത്തിച്ച് നാട്ടിലെത്തിക്കുന്നതിനുള്ള നടപടികള്‍ സ്വീകരിക്കുന്നത് ആയിരിക്കും.
