ബലാത്സംഗ കേസില്‍ അറസ്റ്റിലായി 10 വര്‍ഷത്തെ കഠിന തടവിന് ശിക്ഷിക്കപ്പെട്ട ദേര സച്ച സേനയുടെ നേതാവ് ഗുര്‍മീത് സിങിന് തന്റെ വളര്‍ത്തുപുത്രി ഹണിപ്രീതുമായി വഴിവിട്ട ബന്ധമുണ്ടായിരുന്നുവെന്ന് റിപ്പോര്‍ട്ടുകള്‍. ഗുര്‍മീത് കോടതി മുന്‍പാകെ ആവശ്യപ്പെട്ടതും ഒരെയൊരു കാര്യം മാത്രമായിരുന്നു. ‘തന്നോടൊപ്പം ഹണിപ്രീതിയേയും ജയിലില്‍ താമസിപ്പിക്കണം‘ എന്നതായിരുന്നു ഗുര്‍മീതിന്റെ ആവശ്യം.
ദേരാ സച്ചാ സൗദയുടെ ഉടമസ്ഥതയിലുള്ള വിദ്യാഭ്യാസ സ്ഥാപനത്തില്‍ പഠിച്ചയാളാണ് ഗുര്‍മീത് റാം സിങ്ങിന്റെ അടുത്ത വിശ്വസ്തയും വളര്‍ത്തുമകളുമായ ഹണിപ്രീത് സിങ്ങ്. ഹണി വിവാഹിതയാണെന്നും റിപ്പോര്‍ട്ടുകള്‍ ഉണ്ട്. 1999 ല്‍ സിര്‍സയില്‍ നിന്നുള്ള ഗുര്‍മീത് ഭക്തനായ വിശ്വാസ് ഗുപ്തയെ ഹണിപ്രീത് വിവാഹം കഴിച്ചതായി ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നു.
തന്നോടൊപ്പം കഴിയാന്‍ ഹണിയെ ഗുര്‍മീത് അനുവദിക്കുന്നില്ലെന്നും ഭാര്യയെ എപ്പോഴും ദേരാ മേധാവിയുടെ അടുത്ത് തന്നെയാണെന്നും അവരുമായി ലൈംഗിക ബന്ധം പുലര്‍ത്തുക എന്ന ഉദ്ദേശത്തോടെയാണിതെന്നും വിശ്വാസ് പരാതിയില്‍ പറയുന്നു. ഗുര്‍മീത് സിംഗും ഹണിപ്രീതും പൂര്‍ണനഗ്നരായി ബന്ധപ്പെടുന്നത് താന്‍ നേരില്‍ കണ്ടുവെന്ന് വിശ്വാസ് പരാതിയില്‍ വ്യക്തമാക്കുന്നു.
