പ്രധാനമന്ത്രി നരേന്ദ്ര മോദിയെ അധിക്ഷേപിച്ച് കോൺഗ്രസ് നേതാവ് റഷീദ് ആൽവി നടത്തിയ പ്രസ്താവന വിവാദമാകുന്നു. ഒരു സ്വകാര്യ ചാനല്‍ സംഘടിപ്പിച്ച പരിപാടിയില്‍ സംസാരിക്കവേ നരേന്ദ്ര മോദിയെ ‘ഏറ്റവും വിഡ്ഢിയായ പ്രധാനമന്ത്രി’ എന്ന് റഷീദ് ആൽവി വിശേഷിപ്പിച്ചതാണ് ബി ജെ പി നേതാക്കളെ ചോടിപ്പിച്ചത്. സംഭവത്തില്‍ റഷീദ് ആൽവി മാപ്പ് പറയണമെന്ന് ബി ജെ പി നേതാക്കള്‍ ആവശ്യപ്പെട്ടു.
റഷീദ് ആൽവിയുടെ പ്രസ്താവനയ്ക്കെതിരെ ചര്‍ച്ചയില്‍ പങ്കെടുത്തവര്‍ ഒന്നടങ്കം ബഹളം വച്ചു. പ്രസ്താവനയെ രൂക്ഷമായി വിമര്‍ശിച്ച് സ്മൃതി ഇറാനിയും രംഗത്തെത്തിയതോടെ ചര്‍ച്ച കുറച്ച് സമയത്തേക്ക് നിര്‍ത്തിവയ്ക്കേണ്ടി വന്നു. ‘രാജ്യത്തിന്റെ പ്രധാനമന്ത്രിക്കെതിരെ ഇത്തരത്തിലുള്ള പദങ്ങള്‍ ഉപയോഗിക്കുകയാണെങ്കില്‍ താന്‍ ഉള്‍പ്പടെയുള്ള സ്ത്രീകള്‍ക്കെതിരെ കോണ്‍ഗ്രസുകാര്‍ എത്തരത്തില്‍ പ്രതികരിക്കുമെന്ന് ഈ പ്രസ്താവന കാട്ടിത്തരുന്നതായി സ്മൃതി ഇറാനി പറഞ്ഞു.
