ബംഗളൂരുവില്‍ നടക്കുന്ന ഹിന്ദു സമാജോത്സവത്തില്‍ വിശ്വഹിന്ദു പരിഷത്ത് നേതാവ് പ്രവീണ്‍ തൊഗാഡിയയുടെ പ്രസംഗം പ്രക്ഷേപണം ചെയ്യാന്‍ അനുവദിക്കില്ലെന്ന് സിറ്റി പൊലീസ് കമ്മീഷണര്‍ എം എന്‍ റെഡ്ഡി. പ്രകോപനപരമായി പ്രസംഗം നടത്തുന്നതിന്റെ പശ്ചാത്തലത്തില്‍ പ്രവീണ്‍ തൊഗാഡിയ ബംഗളൂരുവില്‍ പ്രവേശിക്കുന്നത് പൊലീസ് വിലക്കിയിരുന്നു. ഈ സാഹചര്യത്തിലാണ് തൊഗാഡിയയുടെ പ്രസംഗം വീഡിയോ കോണ്‍ഫറന്‍സ് വഴി തത്സമയം പ്രക്ഷേപണം ചെയ്യാന്‍ വിശ്വഹിന്ദു പരിഷത്ത് തീരുമാനിച്ചത്.
വിശ്വഹിന്ദു പരിഷത്ത് സുവര്‍ണജയന്തിയോട് അനുബന്ധിച്ച് ഞയറാഴ്ച വൈകുന്നേരമാണ് ബംഗളൂരുവില്‍ വിരാട് ഹിന്ദു സമാജോത്സവ് നടക്കുന്നത്. എന്നാല്‍, പ്രവേശനം വിലക്കിയ നേതാവിന്റെ പ്രസംഗം പ്രക്ഷേപണം ചെയ്യുന്നതും കുറ്റകരമാണെന്ന നിലപാടാണ് ബംഗളൂരു പൊലീസിന്റേത്.
