പീഡനകേസില്‍ അറസ്റ്റിലായ ഗുര്‍മീത് റാം സിങ്ങിന് ബിജെപി നേതാക്കളില്‍ ഒരുമാസത്തിനിടെ ലഭിച്ചത് 1.12 കോടി. ഹരിയാനയിലെ മുതിര്‍ന്ന ബിജെപി മന്ത്രിമാരായ രാം ബിലാസ് ശര്‍മ്മ, അനില്‍വിജ്, ഗ്രോവര്‍ എന്നീ നേതാക്കളാണ് ഗുര്‍മീത് റാം റഹീം സിങ്ങിന് കോടികള്‍ നല്‍കിയത്.
പിറന്നാള്‍ സമ്മാനമായാണ് അദ്ദേഹം ഗുര്‍മീതിന് 51ലക്ഷം രൂപ സംഭാവന നല്‍കിയത്. ആഗസ്റ്റ് 15നാണ് അദ്ദേഹം ഈ സമ്മാനം നല്‍കിയത്. അതേസമയം ഹരിയാനയിലെ കായിക മന്ത്രി അനില്‍ വിജയ് ഗുര്‍മീത് റാം റഹീമിന് നല്‍കിയത് 50 ലക്ഷം രൂപയാണ്. ഇക്കാര്യം ചോദ്യം ചെയ്യപ്പെട്ടപ്പോള്‍ പണം തനിക്കിഷ്ടമുള്ളതുപോലെ ചിലവഴിക്കാന്‍ അധികാരമുണ്ടെന്നായിരുന്നു അദ്ദേഹം പ്രതികരിച്ചത്.
