ഏറ്റവും സത്യസന്ധമായ സ്ഥലങ്ങളില്‍ രണ്ടാം സ്ഥാനം മുംബൈയ്ക്ക്
വ്യാഴം, 26 സെപ്‌റ്റംബര്‍ 2013 (12:25 IST)
PTI
PTI
ലോകത്തിലെ ഏറ്റവും സത്യസന്ധമായ സ്ഥലങ്ങളില്‍ രണ്ടാം സ്ഥാനം മുംബൈയ്ക്ക് സ്വന്തമായി. റീഡേഴ്‌സ് ഡൈജസ്റ്റ് നടത്തിയ തെരഞ്ഞെടുപ്പിലാണ് മുംബൈയ്ക്ക് രണ്ടാം സ്ഥാനം ലഭിച്ചത്. ഒന്നാം സ്ഥാനത്തുള്ള സ്ഥലം ഫിന്‍ലന്‍ഡിലെ ഹെല്‍സിങ്കിയാണ്. ഹങ്കറിയും ന്യൂയോര്‍ക്കും മൂന്നാം സ്ഥാനത്തുണ്ട്.
റീഡേഴ്‌സ് ഡൈജസ്റ്റ് നടത്തിയ സര്‍വെയില്‍ പതിനാറ് നഗരങ്ങളെയാണ് ഉള്‍പ്പെടുത്തിയിരിക്കുന്നത്. സര്‍വെ നടത്തിയത് പണമടങ്ങിയ പേഴ്‌സ് നഗരത്തിലെ തിരക്കുപിടിച്ച ഭാഗങ്ങളില്‍ കളയുകയും ഇത് തിരിച്ചുകൊടുക്കുന്നവരുടെ എണ്ണമെടുക്കുകയും ചെയ്താണ്.
പേഴ്‌സില്‍ പണത്തിന് പുറമെ മൊബൈല്‍ ഫോണ്‍ നമ്പര്‍, കുടുംബഫോട്ടോ, ബിസിനസ്സ് കാര്‍ഡ് എന്നിവ ഉള്‍കൊള്ളിച്ചിരുന്നു. സര്‍വെ സ്ഥലങ്ങളില്‍ 12 പേഴ്‌സുകള്‍ കളഞ്ഞപ്പോള്‍ മുംബൈയില്‍ നിന്ന് ഒമ്പത് പേഴ്‌സുകളും ഹെല്‍സിങ്കിയില്‍ നിന്ന് പതിനൊന്ന് പേഴ്‌സുകളും പണം നഷ്ടപ്പെടാതെ തിരികെ ലഭിച്ചു.
പേഴ്‌സ് തിരിച്ച് നല്‍കിയ ആള്‍ക്കാരുടെ എണ്ണത്തിന്റെ അടിസ്ഥാനത്തിലാണ് സത്യസന്ധത അളന്നത്.
