അസാമിലെ കോക്രാജറില്‍ തീവ്രവാദികള്‍ ഒമ്പത് ഗ്രാമീണരെ കൊലപ്പെടുത്തി. കോക്രാജറിലെ ബലപ്പാറ ഗ്രാമത്തിലെത്തിയ ആയുധധാരികളായ തീവ്രവാദികള്‍ ഗ്രാമീണര്‍ക്കു നേരെ തലങ്ങും വിലങ്ങും വെടിയുതിര്‍ക്കുകയായിരുന്നു.
ഒരു ദിവസത്തിനിടെ രണ്ടാം തവണയാണ് അസാമില്‍ തീവ്രവാദി ആക്രമണം ഉണ്ടാകുന്നത്. വ്യാഴാഴ്ച ബക്സാ ജില്ലയില്‍ ബോഡോ തീവ്രവാദികള്‍ നടത്തിയ വെടിവയ്പില്‍ ഒരു കുടുംബത്തിലെ മൂന്നു പേര്‍ കൊല്ലപ്പെട്ടിരുന്നു.
തീവ്രവാദികള്‍ക്കായി സുരക്ഷാസേന തെരച്ചില്‍ തുടങ്ങി.
