ഉപരാഷ്ട്രപതിയായേക്കുമെന്ന് കരുതുന്ന ബിജെപി മുതിര്‍ന്ന നേതാവ് വെങ്കയ്യനായിഡുവിന്റെ മകനും മകള്‍ക്കും നേരെയാണ് അഴിമതി ആരോപണം ഉയര്‍ന്നിരിക്കുന്നത്. 2014ല്‍ പൊലീസ് വാഹനങ്ങള്‍ വാങ്ങുന്നതിന് വേണ്ടി തെലങ്കാന സര്‍ക്കാര്‍ 270 കോടി രൂപയുടെ ഇടപാട് നടത്തിയിരുന്നു. ഇതില്‍ വെങ്കയ്യനായിഡുവിന്റെ മകന്‍ കൈകടത്തി അഴിമതി നടത്തിയെന്നാണ് ആരോപണം.
വെങ്കയ്യനായിഡുവിന്റെ മകന്റെ സ്ഥാപനമാണ് ഹര്‍ഷ ടൊയൊട്ട. തെലങ്കാന സര്‍ക്കാരിന്റെ പദ്ധതിയുടെ ഭാഗമായി കുറച്ച് വാഹനങ്ങല്‍ നല്‍കിയത് ഇദ്ദേഹമായിരുന്നു. ബാക്കിയുള്ള വാഹനങ്ങള്‍ നല്‍കിയത് മുഖ്യമന്ത്രി കെ ചന്ദ്രശേഖര്‍ റാവുവിന്റെ മകന്റെ ഡീലര്‍ഷിപ്പ് കമ്പനിയും. ഇക്കാര്യത്തില്‍ അഴിമതി നടന്നിട്ടുണ്ടെന്നാണ് കോണ്‍ഗ്രസിന്റെ ആരോപണം.
