പരസ്പരം അലിഞ്ഞ് ചേരാൻ കൊതിക്കുന്നവർക്കിടയിലേക്ക് സ്വയം പെയ്തിറങ്ങുന്നവളാണ് മഴ. മഴയും പ്രണയവും, അതൊരു ഒന്നൊന്നര കോമ്പിനേഷനാണ്. പെയ്തിറങ്ങുന്ന മഴയിൽ പ്രണയിനിയെ കാണുന്നവരുണ്ട്. മഴയേയും പ്രണയത്തേയും ഒരിക്കലെങ്കിലും അടുത്തറിയാത്തവരുണ്ടാകില്ല.
മഴയെ സ്നേഹിക്കുന്നവർക്കിടയിലേക്ക് പെയ്തിറങ്ങുകയാണ് ‘അവൾ മഴപോലെ’ എന്ന ആൽബം. മഴ മനസ്സുകളിൽ തീർക്കുന്ന അതേ കുളിര് ഈ ആൽബത്തിനും നൽകാൻ കഴിയുന്നു. കാതുകളിൽ ഇമ്പമുണർത്തുന്ന സംഗീതം, കണ്ണിന് കുളിർമയേകുന്ന ദൃശ്യചാരുത അങ്ങനെ നീളുന്നു നിതീഷ് ഒറ്റപ്പാലത്തിന്റെ ‘അവൾ മഴപോലെ’ എന്ന ആൽബത്തിന്റെ പ്രത്യേകതകൾ.
