ബാഹുബലി തകര്‍ക്കുകയാണ്. ലോകമെമ്പാടുനിന്നുമുള്ള കളക്ഷന്‍ 425 കോടി കടന്നു. തിയേറ്ററുകള്‍ ഇപ്പോഴും ഉത്സവപ്പറമ്പുകള്‍ തന്നെ. ബാഹുബലിയുടെ എല്ലാ ഷോയും ഹൌസ്ഫുള്ളായാണ് എല്ലാ സെന്‍ററിലും കളിക്കുന്നത്. ഇതുപോലെ തന്നെയാണ് സല്‍‌മാന്‍ഖാന്‍റെ ഹിന്ദിച്ചിത്രം ബജ്‌റംഗി ബായിജാനും. കളക്ഷനില്‍ തരംഗം സൃഷ്ടിക്കുന്നതില്‍ ധനുഷിന്‍റെ സിനിമ ‘മാരി’യും മോശമല്ല.
കോടികള്‍ വാരിയെറിഞ്ഞ് കോടികള്‍ വാരുന്ന ബാഹുബലി മാജിക്കിനിടയില്‍ കണ്ടന്‍റിന്‍റെ ബലം കൊണ്ടാണ് പാപനാശം തകരാതെ നില്‍ക്കുന്നത്. കുടുംബപ്രേക്ഷകരാണ് പാപനാശത്തിന്‍റെ ശക്തി. ഒപ്പം കമല്‍ഹാസന്‍റെ തകര്‍പ്പന്‍ അഭിനയവും കൂടിയാകുമ്പോള്‍ ബാഹുബലിയോ ബജ്‌റംഗി ബായിജാനോ നല്‍കാത്ത ഇമോഷണല്‍ സാറ്റിസ്ഫാക്ഷന്‍ പാപനാശം നല്‍കുന്നു.
