ലക്കി സ്റ്റാര്‍, ഭാര്യ അത്ര പോരാ - രണ്ട് ഹിറ്റ് സിനിമകളും റിലീസായത് 2013ലാണ്. അതിന് ശേഷം ജയറാമിന്‍റേതായി റിലീസായ ചിത്രങ്ങള്‍ ബോക്സോഫീസില്‍ അത്ര ശോഭിച്ചില്ല. നടന്‍, സ്വപാനം തുടങ്ങിയ നല്ല സിനിമകള്‍ അക്കൂട്ടത്തിലുണ്ടായിരുന്നെങ്കിലും എന്തുകൊണ്ടോ തിയേറ്ററില്‍ ജനമെത്തിയില്ല.
മൌത്ത് പബ്ലിസിറ്റിയും നിരൂപകപ്രശംസയും സര്‍ സിപിക്ക് ഗുണമായി. സമീപകാലത്ത് മലയാളത്തിലുണ്ടായ ഏറ്റവും മികച്ച എന്‍റര്‍ടെയ്നറുകളിലൊന്നാണ് സര്‍ സിപി. ജയറാമിന്‍റെ തകര്‍പ്പന്‍ പ്രകടനം, സീമ - രോഹിണി കൂട്ടുകെട്ടിന്‍റെ ഫ്രഷ്നസ്, കഥയിലെ വൈകാരികത, നല്ല പാട്ടുകള്‍ ഇവയാണ് ചിത്രത്തിന് ഗുണമാകുന്നത്. ഷാജൂണ്‍ കാര്യാലിന്‍റെ സംവിധാനമികവും സര്‍ സിപിക്ക് നേട്ടമായി.
ഭാസ്കര്‍ ദി റാസ്കല്‍, ഒരു വടക്കന്‍ സെല്‍‌ഫി, ഒരു സെക്കന്‍റ് ക്ലാസ് യാത്ര തുടങ്ങിയ സിനിമകളും തിയേറ്ററുകളില്‍ മികച്ച പ്രകടനം കാഴ്ചവയ്ക്കുന്നു.
