മലയാള സിനിമയിലെ ഹിറ്റുകളുടെ രാജാവ് മോഹന്‍ലാല്‍ തന്നെയാണ്. മോഹന്ലാലിന്റെ വമ്പന്‍ ഹിറ്റുകള്‍ മലയാള സിനിമയെ മുന്നോട്ടു നയിക്കാന്‍ പാകത്തില്‍ ശക്തിയുള്ളതാണ്. ഇപ്പോള്‍ പുലിമുരുകന്‍റെ കാര്യം തന്നെയെടുത്താല്‍, ഇതിനുമുമ്പ് ഇത്രയും വലിയ ബജറ്റില്‍ ഒരുങ്ങുന്ന സിനിമയ്ക്ക് മുടക്കുമുതല്‍ തിരിച്ചുപിടിക്കാനാവുമോ എന്ന ആശങ്ക നിലനിന്നിരുന്നു. ഇപ്പോള്‍ എല്ലാവര്‍ക്കും ഒരു കാര്യം മനസിലായി, എത്ര വലിയ ബജറ്റാണെങ്കിലും അതും ഇരട്ടിയും ഇരട്ടിയുടെ ഇരട്ടിയും തിരിച്ചുപിടിക്കാന്‍ കെല്‍പ്പുള്ളതാണ് മലയാള സിനിമാ വ്യവസായം എന്ന്.
മോഹന്‍ലാല്‍ ഇങ്ങനെ സിനിമാലോകത്തെയൊന്നാകെ പിടിച്ചുകുലുക്കുന്ന വിജയം സമ്മാനിക്കുന്നത് ഇതാദ്യമായല്ല. 1986ല്‍ താളവട്ടം എന്ന പ്രിയദര്‍ശന്‍ ചിത്രത്തിലൂടെ മോഹന്‍ലാല്‍ ഒരു വമ്പന്‍ ഹിറ്റ് നല്‍കി. താളവട്ടമാണ് ഒരു കോടി രൂപ കളക്ഷന്‍ നേടുന്ന ആദ്യ മലയാള സിനിമ. പിന്നീട് 1987ല്‍ ഇരുപതാം നൂറ്റാണ്ട് എന്ന ബിഗ് ഹിറ്റ് മോഹന്‍ലാല്‍ നല്‍കി. രണ്ടുകോടി രൂപ കളക്ഷന്‍ നേടിയ ആദ്യ മലയാള ചിത്രമായിരുന്നു ഇരുപതാം നൂറ്റാണ്ട്.
