അസാധാരണ വിജയം, പുതിയ നിയമം എല്ലാ റെക്കോര്‍ഡുകളും ഭേദിക്കുന്നു, ആദ്യവാരാന്ത്യത്തില്‍ കളക്ഷന്‍ 5 കോടി!
പുതിയ നിയമം പുതിയ വിജയചരിത്രമെഴുതുകയാണ്. സമീപകാലത്തിറങ്ങിയ എല്ലാ സിനിമകളെയും മറികടക്കുന്ന ബോക്സോഫീസ് പെര്‍ഫോമന്‍സാണ് ചിത്രം നടത്തുന്നത്. കഴിഞ്ഞ വെള്ളിയാഴ്ച പ്രദര്‍ശനത്തിനെത്തിയ സിനിമ ആദ്യ വാരാന്ത്യത്തില്‍ നേടിയത് അഞ്ചുകോടി രൂപയാണ്. മമ്മൂട്ടിയുടെയും നയന്‍‌താരയുടെയും തകര്‍പ്പന്‍ പ്രകടനവും സൂപ്പര്‍ ക്ലൈമാക്സും ത്രില്ലിംഗ് മുഹൂര്‍ത്തങ്ങളുമാണ് പുതിയ നിയമത്തെ മെഗാഹിറ്റാക്കി മാറ്റുന്നത്.
അതേസമയം, ഫഹദ് ഫാസിലിന്‍റെ മഹേഷിന്‍റെ പ്രതികാരവും മികച്ച വിജയമാണ് സ്വന്തമാക്കുന്നത്. 10 ദിവസം കൊണ്ട് ഈ ചിത്രം 5.5 കോടിയാണ് കളക്ഷന്‍ നേടിയത്. മഹേഷിന്‍റെ പ്രതികാരവും പുതിയ നിയമവും തമ്മിലുള്ള ബോക്സോഫീസ് പോരാണ് അക്ഷരാര്‍ത്ഥത്തില്‍ ഇപ്പോള്‍ നടക്കുന്നത്.
