ബി.ജെ.പി, ബി.എം.എസ് ഓഫീസുകൾക്ക് നേരെ ചേർത്തല നഗരസഭയിലും ആക്രമണം ഉണ്ടായിട്ടുണ്ട്. അവിടെയും ബി.ജെ.പി ഹർത്താൽ ആചരിക്കുകയാണ്. കോഴിക്കോട് ഒളവണ്ണയില്‍ പാര്‍ട്ടി ഓഫിസ് അടിച്ചുതകര്‍ത്തതില്‍ പ്രതിഷേധിച്ച് ഒളവണ്ണ പഞ്ചായത്തില്‍ സിപിഐഎമ്മും ഹര്‍ത്താലിന് ആഹ്വാനം ചെയ്തിട്ടിണ്ട്.
അതേസമയം, കുമളിയില്‍ വ്യാപാരി വ്യവസായി ഏകോപന സമിതി ഹര്‍ത്താല്‍ നടത്തും. വ്യാപാരിയെ സിഐടിയു പ്രവര്‍ത്തകര്‍ മര്‍ദിച്ചതില്‍ പ്രതിഷേധിച്ചാണ് ഇവിടെ ഹര്‍ത്താല്‍. രാവിലെ മുതല്‍ ഉച്ചവരെയാണ് കുമളിയില്‍ ഹര്‍ത്താല്‍. പാൽ, പത്രം തുടങ്ങിയ അവശ്യ സർവീസുകളെ ഹർത്താലിൽ നിന്നും ഒഴിവാക്കിയിട്ടുണ്ട്.
