ദിലീപ് നല്‍കിയ ജാമ്യഹര്‍ജി സുപ്രിം‌കോടതി പരിഗണിക്കുന്നതിനിടയിലാണ് അങ്കമാലി കോടതിയുടെ ഈ പുതിയ ഉത്തരവ്. പുതിയ സാഹചര്യത്തില്‍ താരത്തിന്റെ ഓണം ജയിലില്‍ ആയിരിക്കുമെന്നാണ് സൂചനകള്‍. അതോടോപ്പം, ദിലീപ് നായകനാകുന്ന രാമലീല ഓണത്തിന് റിലീസ് ചെയ്തേക്കില്ലെന്നും സൂചനയുണ്ട്. താന്‍, പുറത്തിറങ്ങിയിട്ട് സിനിമ റിലീസ് ചെയ്താല്‍ മതിയെന്നാണ് താരത്തിന്റെ നിലപാട്.
ഹൈക്കോടതി ജാമ്യം നല്‍കിയില്ലെങ്കില്‍ ദിലീപ് ജയിലില്‍ തന്നെ കഴിയേണ്ടി വരും. അന്വേഷണ സംഘത്തിന്‍റെ കണ്ടെത്തലുകള്‍ പൂര്‍ണമായും തള്ളിക്കളഞ്ഞു കൊണ്ടാണ് ദിലീപ് പുതിയ ജാമ്യഹര്‍ജി നല്‍കിയിരിക്കുന്നത്. ജാമ്യ ഹര്‍ജിയില്‍ ദിലീപിന് അനുകൂലമായ വിധി ഉണ്ടാകുമെന്ന വിശ്വാസത്തിലാണ് താരത്തിന്റെ കുടുംബം. ദിലീപ് നല്‍കിയ ജാമ്യാപേക്ഷയെ നിശിതമായി എതിര്‍ക്കുന്ന സത്യവാങ്മൂലവും അന്വേഷണ സംഘം തയാറാക്കിയിട്ടുണ്ട്.
