അതേസമയം, കാവ്യാ മാധവന്‍ സമര്‍പ്പിച്ച ജാമ്യാപേക്ഷയില്‍ ദിലീപിന്റെ മുന്‍ഭാര്യ മഞ്ജു വാര്യര്‍ക്കെതിരെയും പൊലീസിനെതിരേയും ഗുരുതര ആരോപണങ്ങളാണുള്ളത്. ഭരണകക്ഷി നേതാവിന്റെ മകനടക്കമുള്ളവരേയും കാവ്യ സംശയമുനയില്‍ നിര്‍ത്തുന്നുണ്ട്. അതേസമയം, കെസ് വഴിതെറ്റിക്കാനാണ് കാവ്യ ഇത്തരം ആരോപണങ്ങള്‍ ഉന്നയിക്കുന്നതെന്ന് കോടിയേരി ബാലകൃഷ്ണന്‍ പറയുന്നു.
ദിലീപ് അകത്താകാന്‍ കാരണം, സിപി‌എം നേതാവിന്റെ മകനാണ്. മഞ്ജു വാര്യര്‍ നായികയാകുന്ന പുതിയ സിനിമയില്‍ ഇയാള്‍ക്ക് നായക വേഷം വാഗ്ദാനം ചെയ്തിരുന്നു. ദിലീപിനെ കുടുക്കാന്‍ അയാള്‍ കൂട്ടുനില്‍ക്കുന്നത് ഇക്കാരണം കൊണ്ടാണെന്നും പിസി ജോര്‍ജ് ആരോപിക്കുന്നു.
