സംസ്ഥാനത്തെ ഒരു മന്ത്രി ഫോൺ വിളിച്ചാൽ എടുക്കാറില്ലെന്ന് പേരെടുത്ത് പറയാതെ വിമർശിച്ച് സിപിഎം എംഎൽഎ യു പ്രതിഭ. എത്ര തവണ വിളിച്ചാലും തനിക്ക് അടുപ്പമുള്ള ഒരു മന്ത്രി ഫോണെടുക്കാറില്ലെന്നും തിരിച്ചു വിളിക്കാനുള്ള മര്യാദ കാണിക്കാറില്ലെന്നും കായംകുളം എംഎൽഎ പരാതിപ്പെട്ടു.പൊതു ചടങ്ങിൽ മന്ത്രി വി ശിവൻകുട്ടിയെ സാക്ഷി നിർത്തിയായിരുന്നു എംഎൽഎയുടെ പരാതി.
മറ്റെല്ലാ മന്ത്രിമാരും വിളിച്ചാൽ ഫോണെടുക്കും. അതിന് പറ്റാത്തവർ തിരികെ വിളിക്കും. എന്നാൽ ഒരു മന്ത്രി മാത്രം ഫോണ്‍ എടുക്കില്ല. തിരക്കായിരിക്കുമോ എന്ന് നൂറ് തവണ ആലോചിച്ച ശേഷമാണ് മന്ത്രിയെ വിളിക്കാറുള്ളത്. മന്ത്രിയെ പേരെടുത്ത് പറയാതെ പ്രതിഭ എംഎൽഎ പറഞ്ഞു. അതേസമയം എപ്പോൾ വിളിച്ചാലും തിരിച്ചു വിളിക്കുന്ന മന്ത്രിയാണ് വി ശിവൻകുട്ടിയെന്നും അതിന് നന്ദിയുണ്ടെന്നും എംഎൽഎ കൂട്ടിചേർത്തു.
