കൊല്ലം - ചെങ്കോട്ട പാതയിൽ മാർച്ച് 23 മുതൽ പാസഞ്ചർ ട്രെയിൻ ഓടിത്തുടങ്ങും
പുനലൂർ: കൊല്ലം - ചെങ്കോട്ട പാതയിൽ നിർത്തിവച്ചിരുന്ന പാസഞ്ചർ ട്രെയിൻ സർവീസ് മാർച്ച് 23 മുതൽ വീണ്ടും ഓടിത്തുടങ്ങും. കഴിഞ്ഞ മാസം ഇരുപത്തിനാലു മുതൽ ട്രെയിൻ റദ്ദു ചെയ്തിരുന്നു.
കൊല്ലം - പുനലൂർ റയിൽവേ പാത വൈദ്യുതീകരണ പ്രവർത്തനത്തിന്റെ ഭാഗമായി ഈ റൂട്ടിൽ ഉണ്ടായിരുന്ന സ്‌പെഷ്യൽ പാസഞ്ചർ സർവീസ് 22 ചൊവ്വാഴ്ച വരെ സർവീസ് നടത്തില്ല. അടുത്ത ദിവസം മുതൽ പതിവുപോലെ സർവീസ് ഉണ്ടാകും.
ഇരുപത്തൊന്നു തിങ്കളാഴ്ച ബംഗളൂരുവിൽ നിന്ന് ചീഫ് സുരക്ഷാ കമ്മീഷണർ ഈ പാതയിലെ വൈദ്യുതീകരണ പ്രവർത്തനങ്ങളുടെ സുരക്ഷാ പരിശോധന നടത്തും. അതിനു ശേഷമാണ് റെഗുലർ സർവീസുകൾ തുടങ്ങുന്നത്.
