എന്നാൽ, താന്‍ വിശ്വാസിയാണെന്നും ഇക്കാര്യം വേറെ ആരും പറയേണ്ടെന്നും തനിക്കും തന്റെ കുടുംബത്തിനും പൊലീസ് സുരക്ഷ ഒരുക്കണമെന്നുമാണ് രഹ്ന ഫാത്തിമ മാധ്യമങ്ങളോട്‌ പറഞ്ഞത്. ശബരിമല കയറാൻ എത്തിയതിന് രഹ്ന ഫാത്തിമയുടെ വീടിന് നേര്‍ക്ക് ആക്രമണം ഉണ്ടായിരുന്നതിനെത്തുടർന്നാണ് ഈ ആവശ്യം.
അതേസമയം, ശബരിമലയില്‍ പ്രവേശനത്തിന് എത്തിയ കവിതയ്‌ക്ക് യൂണിഫോമും രഹ്‌നയ്‌ക്ക് ഹെല്‍മറ്റും നല്‍കിയ സംഭവത്തില്‍ ഐജി ശ്രീജിത്തിനെതിരെ കേസ് എടുക്കണമെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞിരുന്നു. അതേസമയം, ശബരിമലയില്‍ പൊലീസ് യൂണിഫോം ആര്‍ക്കും നല്‍കിയിട്ടില്ലെന്ന് ഐജി ശ്രീജിത്ത് വ്യക്തമാക്കിയിരുന്നു.
