പക്ഷികളെ കഴുത്തറത്ത്‌ കൊന്ന ശേഷം ചുട്ടുകരിക്കുകയാണ്‌ ചെയ്യേണ്ടത്‌. ഫീല്‍ഡില്‍ പോകുന്ന ഡോക്‌ടര്‍മാര്‍ക്കും ഉദ്യോഗസ്‌ഥര്‍ക്കുമാണ്‌ പ്രതിരോധമരുന്നുകള്‍ ആവശ്യമായുളളത്‌. കോട്ടും കൈയുറയും മുഖംമൂടിയും ധരിച്ചാവും പ്രതിരോധപ്രവര്‍ത്തനം നടത്തുക. അതേസമയം, രോഗം സ്‌ഥിരീകരിച്ചതോടെ കര്‍ഷകര്‍ താറാവുകളെ ഉപേക്ഷിച്ചു തുടങ്ങിയത്‌ ആശങ്ക വളര്‍ത്തിയിട്ടുണ്ട്. രോഗം ഉള്ളതിനെയും ഇല്ലാത്തതിനെയും ചുട്ടെരിക്കാനാണ് തീരുമാനം. ഏകദേശം ഒന്നരലക്ഷത്തോളം താറാവുകളെ കൊന്നൊടുക്കുമെന്നാണ് റിപ്പോര്‍ട്ട്.
