ബിജെപി ദേശീയ നിര്‍വാഹക സമിതിയംഗവും കേരളത്തിലെ ബിജെപിയുടെ പ്രമുഖ നേതാക്കളില്‍ ഒരാളുമായ ശോഭ സുരേന്ദ്രന്‍ ദില്ലിയിലെത്തി ആഭ്യന്തര മന്ത്രി അമിത് ഷായുമായി കൂടിക്കാഴ്ച നടത്തി. കേരളത്തിലെ ബിജെപി അധ്യക്ഷ സ്ഥാനത്തേക്ക് ശോഭ സുരേന്ദ്രനെ പരിഗണിക്കുന്നുവെന്ന റിപ്പോര്‍ട്ടുകള്‍ക്കിടയിലാണ് കൂടിക്കാഴ്ച. കേരളത്തിലെ ബിജെപിയെ പ്രതീക്ഷിച്ച ലക്ഷ്യത്തിലേക്ക് എത്തിക്കാന്‍ ആത്മവിശ്വാസം നല്‍കുന്നതാണ് അമിത് ഷായുമായുള്ള കൂടിക്കാഴ്ചയെന്ന് ശോഭ സുരേന്ദ്രന്‍ പറഞ്ഞു.
