ലിംഗമാറ്റ ശസ്ത്രക്രിയ കേരളത്തിലും ഇന്ത്യയിലും പുത്തന്‍ സംഭവമല്ല. എന്നാല്‍, മുംബൈയില്‍ നിന്നുള്ള വാര്‍ത്തയില്‍ മറ്റൊരു കൌതുകം ഉണ്ട്. ലിംഗമാറ്റ ശസ്ത്രക്രിയയിലൂടെ വിവാഹിതരായ നവമിഥുനങ്ങളുടെ കഥയാണ് ഇപ്പോള്‍ സോഷ്യല്‍ മീഡിയകളില്‍ ചര്‍ച്ചയാകുന്നത്.
മലയാളിയായ ആരവ് ഇത്രയും കാലം പെണ്ണായിട്ടായിരുന്നു ഇത്രയും കാലം ജീവിച്ചിരുന്നത്. പക്ഷേ ഉള്ളില്‍ എന്നും പുരുഷന്റെ ഭാവമായിരുന്നു. സ്ത്രീ ശരീരത്തില്‍ തഴയപ്പെട്ട പുരുഷ ജീവിതം സ്വതന്ത്രമാക്കാന്‍ ആരവ് തീരുമാനിച്ചത് അടുത്തിടെയായിരുന്നു. 46 വയസ്സാണ് ആരവിന്റെ പ്രായം. 22 വയസ്സാണ് സുകന്യ കൃഷ്ണന്റെ പ്രായം. പുരുഷ ശരീരത്തില്‍ കുടുങ്ങിക്കിടന്ന സ്ത്രീ ജീവിതം ആയിരുന്നു സുകന്യയുടേയത്.
