പത്തനംതിട്ട: നവംബർ 16 ന് (വൃശ്ചികം ഒന്നിന് ) ആരംഭിക്കുന്ന ഇത്തവണത്തെ മണ്ഡല മകരവിളക്ക് കാല ഉത്സവ സമയത്ത് ശബരിമലയിൽ സുരക്ഷയ്ക്കായി 13000 പോലീസുകാരെയാണ് നിയമിക്കുക. ഇതു സംബന്ധിച്ചു കഴിഞ്ഞ ദിവസം നടന്ന അവലോകന യോഗത്തിന് ജില്ലാ കളക്ടർ എസ് പ്രേം കർണൻ നേതൃത്വം നൽകി. സുരക്ഷ സംബന്ധിച്ച് പോലീസ് ടോൾ ഫ്രീ നമ്പർ 14432 ആണ്.
സുരക്ഷാ സംബന്ധിയായി പമ്പ ഉൾപ്പെടെയുള്ള കുളിക്കടവുകളിൽ 6 ഭാഷകളിലായി സുരക്ഷാ ബോർഡുകൾ സ്ഥാപിക്കും. ഇതിനൊപ്പം പാർക്കിംഗ് ഗ്രൗണ്ടുകളിൽ സുരക്ഷാ ക്യാമറ, ഉച്ചഭാഷിണി ഉപയോഗിച്ചുള്ള മുന്നറിയിപ്പ് സംവിധാനവും ഉറപ്പാക്കും.
