കസബ വിഷയത്തില്‍ നടി പാര്‍വതിയെ വിമര്‍ശിച്ചും അവരോട് പത്തു ചോദ്യങ്ങള്‍ ചോദിച്ചും സാമൂഹിക പ്രവര്‍ത്തകനായ പാച്ചിറ നവാസ് രംഗത്ത്. കൊച്ചിയില്‍ നടി ആക്രമിക്കപ്പെട്ട കേസുമായി ബന്ധപ്പെട്ട് വിമന്‍ ഇന്‍ കളക്ടീവിനെതിരെയും കൊച്ചിയില്‍ ടാക്‌സി ഡ്രൈവര്‍ക്ക് മര്‍ദനമേറ്റ സംഭവത്തില്‍ യുവതികള്‍ക്കെതിരെയും ഗംഗേശാനന്ദയുടെ ജനനേന്ദ്രിയം മുറിച്ച സംഭവത്തില്‍ പെണ്‍കുട്ടിക്കെതിരെയും കോടതി കയറിയ വിവരാവകാശ പ്രവര്‍ത്തകനായ നവാസ് തന്റെ ഫേസ്ബുക്ക് പോസ്റ്റിലൂടെയാണ് ചോദ്യങ്ങളും വിമര്‍ശനങ്ങളുമായി എത്തിയിരിക്കുന്നത്.
