പിന്നോക്ക, ന്യൂനപക്ഷ മാനേജ്‌മെന്റ് സ്‌കൂളുകളില്‍ അതാത് സമുദായങ്ങള്‍ക്ക് 20 ശതമാനം സീറ്റാണ് കമ്മ്യൂണിറ്റി ക്വാട്ടയായി അനുവദിച്ചിട്ടുള്ളത്. മാനേജ്‌മെന്റ് ഉള്‍പ്പെടുന്ന സമുദായത്തിലെ കുട്ടികള്‍ക്ക് മാത്രമാണ് ഈ സീറ്റില്‍ പ്രവേശനം പാടുള്ളു. എന്നാല്‍ ചില മാനേജ്‌മെന്റുകള്‍ സമുദായിക മാനദണ്ഡം അട്ടിമറിക്കുന്നതായി ആക്ഷേപമുയര്‍ന്നിരുന്നു. ഇത്തവണ പ്ലസ് വണ്‍ പ്രവേശനത്തിന് 24,253 സീറ്റാണ് കമ്മ്യൂണിറ്റി ക്വാട്ടയില്‍ ഉള്‍പ്പെട്ടത്. ഇതില്‍ 21,347 സീറ്റില്‍ പ്രവേശനം നടന്നു.
