അതേസമയം, തലശ്ശേരി കൂട്ടിമാക്കൂലില്‍ ദളിത് യുവതികളെയും കുഞ്ഞിനെയും ജയിലില്‍ അടച്ച സംഭവം നിയമസഭ നിര്‍ത്തിവെച്ച് ചര്‍ച്ച ചെയ്യാന്‍ തക്ക ഗൌരവമുള്ളതല്ലെന്ന് മുഖ്യമന്ത്രി പിണറായി വിജയന്‍. അടിയന്തരപ്രമേയ നോട്ടീസിന് മറുപടിയായാണ് മുഖ്യമന്ത്രി ഇക്കാര്യം പറഞ്ഞത്.
യുവതികളെ ജയിലില്‍ അടച്ച സംഭവം പൊതുസമൂഹത്തിലും ദളിത് വിഭാഗത്തിലും ആശങ്ക സൃഷ്‌ടിച്ചെന്ന് അടിയന്തരപ്രമേയത്തിന് അനുമതി തേടി കെ സി ജോസഫ് എം എല്‍ എ പറഞ്ഞു. വളരെ ലാഘവത്തോടെയാണ് മുഖ്യമന്ത്രി ഈ വിഷയം കൈകാര്യം ചെയ്തത്. ഇത്തരം സംഭവങ്ങളില്‍ മുഖ്യമന്ത്രി കുറേക്കൂടി ജാഗ്രത പാലിക്കേണ്ടിയിരുന്നെന്നും സര്‍ക്കാരിനെ വിമര്‍ശിച്ചു കൊണ്ട് കെ സി ജോസഫ് പറഞ്ഞു.
