ഇരുചക്രവാഹനത്തിൽ യാത്ര ചെയ്യുന്നവർക്ക് ഹെൽമറ്റിന്റെ പ്രാധാന്യം മനസ്സിലാക്കുന്ന തരത്തിൽ ബോധവൽക്കരണം നടത്താനും പരിശോധന ശക്തമാക്കാനുമാണ് തിരുത്തിയ ഉത്തരവിൽ പറയുന്നത്. ആദ്യഘട്ടത്തിൽ ബോധവൽക്കരണ ക്ലാസുക‌ൾ നടത്തും. പിന്നീട് മുന്നറിയിപ്പ് നൽകും. എന്നാൽ തുടർച്ചയായി ഹെൽമറ്റ് ധരിക്കാതെ വാഹനമോടിക്കുന്നവർക്കെതിരെ ശിക്ഷാനടപടി സ്വീകരിക്കും.
ഹെല്‍മറ്റ് ഇല്ലാതെ ഇരുചക്ര വാഹനങ്ങളില്‍ എത്തുന്നവര്‍ക്ക് പെട്രോള്‍ നല്‍കരുതെന്നായിരുന്നു ട്രാന്‍സ്‌പോര്‍ട്ട് കമ്മീഷണര്‍ ഇറക്കിയ ആദ്യത്തെ ഉത്തരവിൽ പറഞ്ഞിരുന്നത്. ഹെല്‍മറ്റ് ഇല്ലാതെ എത്തുന്നവര്‍ക്ക് പെട്രോള്‍ നല്‍കരുതെന്ന് പമ്പുടമകളോട് നിര്‍ദ്ദേശിക്കുന്ന ഉത്തരവില്‍ സമ്മിശ്ര പ്രതികരണമാണ് പൊതുജനങ്ങള്‍ പുലര്‍ത്തിയത്.
