തിരൂര്‍ കൂട്ടായി സ്വദേശി കുറിയന്റെ പുരക്കല്‍ ജംഷീര്‍, ഭാര്യ സഫിയ എന്നിവര്‍ക്കാണ് മര്‍ദ്ദനമേറ്റത്. ഇവര്‍ ആശുപത്രിയില്‍ ചികിത്സ തേടിയിരിക്കുകയാണ്. ഇരുവരും കുഞ്ഞുമൊത്ത് ബന്ധുവീട്ടിൽ നിന്നും മടങ്ങുകയായിരുന്നു. ഓട്ടോറിക്ഷയിലായിരുന്നു മടക്കം.
എന്നാൽ, പകുതി വഴിക്കെത്തിയപ്പോൾ കുഞ്ഞ്‌ വിശന്നു കരഞ്ഞപ്പോള്‍ ഓട്ടോറിക്ഷ നിര്‍ത്തിയിട്ട ശേഷം മുലപ്പാല്‍ നല്‍കുകയായിരുന്നു. ഇതിനിടെ ബൈക്കിലെത്തിയ സംഘമാണ്‌ ആക്രമിച്ചത്‌. ഭാര്യയും കുഞ്ഞുമാണ്‌ ഓട്ടോയിലുള്ളതെന്നു പറഞ്ഞിട്ടും വകവെച്ചില്ലെന്നും ക്രൂരമായി ആക്രമിച്ചെന്നും ജംഷീര്‍ പറഞ്ഞു. പിടിവലിക്കിടെ കുഞ്ഞിനും പരിക്കേറ്റു. ബഹളം കേട്ട് ഓടിക്കൂടിയവരാണ് പിന്നീട് ദമ്പതികളെ രക്ഷിച്ചത്.
