ഇടവേളയ്ക്ക് ശേഷം കാലവര്‍ഷം ശക്തി പ്രാപിച്ചതോടെ സംസ്ഥാനത്തേ പ്രമുഖ അണക്കെട്ടികളില്‍ ജലനിരപ്പുയര്‍ന്നു തുടങ്ങിയതാണ് കെ‌എസ്‌ഇബിയെ പ്രതിസന്ധിയില്‍ നിന്ന് കരകയറ്റുന്നത്. മുന്‍ വര്‍ഷങ്ങളെ അപേക്ഷിച്ച് ജലനിരപ്പ് വളരെയധികം താണിരുന്ന ആനയിറങ്കല്‍ ഉള്‍പ്പെടെയുള്ള എല്ലാ അണക്കെട്ടുകളിലും ജലനിരപ്പ് ഗണ്യമായി ഉയര്‍ന്നുതുടങ്ങി.
സംസ്ഥാനത്ത് ഈ ദിവസം കൂടുതല്‍ മഴ കിട്ടിയതില്‍ രണ്ടാം സ്ഥാനം പീരുമേടിനാണ്. മൂന്നാറില്‍ 36.4 എംഎം, ഇടുക്കിയില്‍ 32 എംഎം, തൊടുപുഴയില്‍ 43 എംഎം, മൈലാടുംപാറയില്‍ 15.6 എംഎം എന്നിങ്ങനെയാണ് മഴ ലഭിച്ചത്. ഇതോടെ ഇടുക്കി ജില്ലയിലെ അണക്കെട്ടുകളിലെ ജലനിരപ്പും കാര്യമായി ഉയര്‍ന്നിട്ടുണ്ട്.
