രാജ്യത്ത് സ്ത്രീകൾ അഴിഞ്ഞാടുകയാണെന്നും പുരുഷന്മാർ അരക്ഷിതരാണെന്നും നിയമസഭയിൽ പി സി ജോർജ്ജ് എം എൽ എ. അംഗണവാടികളിലെ ആശാ വര്‍ക്കർമാരുടെ വേതനവര്‍ധനവുമായി ബന്ധപ്പെട്ട് നിയമസഭയിൽ സംസാരിക്കുമ്പോഴായിരുന്നു പി സി ജോർജ്ജ് എം എൽ എയുടെ വിവാദ പരാമർശം. ജോർജിന്റെ പരാമർശത്തിൽ ഇ എസ് ബിജിമോളുടെ നേതൃത്വത്തില്‍ വനിതാ എംഎല്‍എമാര്‍ നിയമസഭയിൽ പ്രതിഷേധിച്ചു.
രാജ്യത്ത് നിയമങ്ങൾ എല്ലാം തന്നെ സ്ത്രീകൾക്ക് മാത്രം സംരക്ഷണം നൽകുന്നതാണെന്ന് പറഞ്ഞ പി സി ജോർജ് പുരുഷന്മാരുടെ സംരക്ഷണത്തിനായി നിയമങ്ങൾ വേണമെന്നും ആവശ്യപ്പെട്ടു. ഒടുവിൽ ബഹളവും പ്രതിഷേധവും കണക്കിലെടുത്ത് സ്പീക്കര്‍ ഇടപെട്ടതോടെ സ്ത്രീകള്‍ അഴിഞ്ഞാടുകയാണ് എന്ന പരാമര്‍ശം ജോര്‍ജ് പിന്‍വലിക്കുവാൻ തയ്യാറായി. എന്നാൽ പുരുഷന്മാർ അരക്ഷിതരാണ് എന്ന വാദത്തിൽ പി സി ജോർജ് ഉറച്ചുനിന്നു.
