അതേസമയം പ്രവാസികളില്‍ കൂടുതലായി കൊവിഡ് ബാധകാണുന്നതില്‍ ജില്ല അതീവ ജാഗ്രതപുലര്‍ത്തുകയാണ്. സാമൂഹിക വ്യാപനം തടയാന്‍ എല്ലാവരും ഒരുമിച്ച് പരിശ്രമിക്കണമെന്ന് ജില്ലാകളക്ടര്‍ പറഞ്ഞു. ഇന്നലെ രണ്ടുപേര്‍ക്കാണ് ജില്ലയില്‍ കൊവിഡ് സ്ഥിരീകരിച്ചത്. പുനലൂര്‍ ഇളമ്പല്‍ സ്വദേശിയായ 22കാരനും കുവൈത്തില്‍ നിന്നെത്തിയ അഞ്ചല്‍ സ്വദേശിയായ 48കാരിക്കുമാണ് രോഗം സ്ഥരീകരിച്ചത്. മെയ് 27ന് എറണാകുളം സ്‌പെഷ്യല്‍ ട്രെയിനിലെത്തിയ യുവാവ് തലകറങ്ങി വീഴുകയായിരുന്നു. പിന്നീട് നടത്തിയ പരിശോധനയിലാണ് കൊവിഡ് സ്ഥിരീകരിച്ചത്.
