പിണറായി സര്‍ക്കാരിനെ താഴെയിറക്കാന്‍ വേണ്ടി രണ്ടാം വിമോചന സമരത്തിനുളള നീക്കമാണ് ഇപ്പോള്‍ നടക്കുന്നതെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഡിജിപി ആസ്ഥാനത്തിന് മുമ്പില്‍ ജിഷ്ണു പ്രണോയിയുടെ കുടുംബം നടത്തിയ സമരത്തെ ഉദാഹരിച്ചായിരുന്നു കോടിയേരിയുടെ നിരീക്ഷണങ്ങള്‍. 2002ല്‍ എ കെ ആന്റണി മുഖ്യമന്ത്രിയായ സമയത്താണ് ഡിജിപി ഓഫിസിനു മുന്നില്‍ സമരം ചെയ്യുന്നത് നിരോധിച്ചത്. അത്തരം വസ്തുതകള്‍ വലതുപക്ഷം സൗകര്യപൂര്‍വം മൂടിവെക്കുകയാണെന്നും കോടിയേരി തന്റെ ഫേസ്‌ബുക്കിലൂടെ ആരോപിച്ചു.
