സംസ്ഥാന വോളിബോള്‍ അസോസിയേഷനും മുന്‍ വോളിബോള്‍ ക്യാപ്റ്റന്‍ ടോം ജോസഫും തമ്മില്‍ ഉടലെടുത്ത അഭിപ്രായഭിന്നതകളില്‍ സര്‍ക്കാര്‍ ഇടപെടുന്നു. ടോം ജോസഫ് കായികവകുപ്പ് മന്ത്രിയായ എ സി മൊയ്തീന് നല്‍കിയ പരാതിയെ തുടര്‍ന്നാണ് ഇക്കാര്യത്തില്‍ സര്‍ക്കാര്‍ ഇടപെടുന്നത്‍. പ്രശസ്തനായ ഒരു കായികതാരത്തെ അപമാനിച്ചത് ഒരിക്കലും അംഗീകരിക്കാന്‍ കഴിയില്ലെന്ന് മന്ത്രി എ സി മൊയ്തീന് വ്യക്തമാക്കി.
ടോം ജോസഫിന്റെ ഫേസ്‌ബുക്ക് പോസ്റ്റിനെ തുടര്‍ന്നാണ് വോളിബോള്‍ അസോസിയേഷന്‍ താരത്തിനെതിരെ രംഗത്തെത്തിയത്. 2014-ല്‍ അര്‍ജുന അവാര്‍ഡ് ലഭിച്ചതിനെക്കുറിച്ചും കേരള ടീമിന്റെ തെരഞ്ഞെടുപ്പില്‍ നടക്കുന്ന അപാകതയെക്കുറിച്ചും ടോം ജോസഫ് തന്റെ സ്റ്റാറ്റസില്‍ വ്യക്തമാക്കിയിരുന്നു. അതേസമയം ഫേസ്‌ബുക്കിലൂടെയുളള വിമര്‍ശനത്തിന് ടോം ജോസഫിനെതിരെയുളള ആരോപണങ്ങള്‍ ഉന്നയിച്ചായിരുന്നു അസോസിയേഷന്‍ മറുപടി നല്‍കിയത്.
