കുത്തനെയുയരുന്ന ഇന്ധനവിലയിൽ കടിഞ്ഞാണിടാൻ സംസ്ഥാന മന്ത്രിസഭ. പെട്രോള്‍, ഡീസൽ വില കുറയ്ക്കുന്നതിനായി അധിക നികുതിയില്‍ കുറവ് വരുത്താൻ ഇന്നു ചേര്‍ന്ന മന്ത്രിസഭാ യോഗം തീരുമാനിച്ചു. അധിക നികുതി എത്ര കുറയ്ക്കുമെന്ന കാര്യൽ അന്തിമ തീരുമാനമായിട്ടില്ല.
ജൂണ്‍ ഒന്ന് മുതലായിരിക്കും ഇത് പ്രാബല്യത്തില്‍ വരിക. പെട്രോൾ, ഡീസൽ നികുതി വഴി ലഭിക്കുന്ന അധിക വരുമാനത്തിന്റെ ഒരു ഭാഗം ഉപേക്ഷിക്കാനാണ് മന്ത്രിസഭാ യോഗത്തിൽ ധാരണയായത്. പെട്രോളിന് 32.02 ശതമാനവും ഡീസലിന് 25.58 ശതമാനവും ആണ് കേരളം ഈടാക്കുന്ന നികുതി.
