കഴിഞ്ഞ മാസം മുപ്പതാം തീയതി വൈകിട്ട് കക്കോടി ബസാറിലെ അടിപിടിക്കേസുമായി ബന്ധപ്പെട്ടു ബിന്ദുവിന്റെ മകന്‍ അര്‍ജുനെതിരെ നോട്ടീസ് നല്‍കാന്‍ എത്തിയ ചേവായൂര്‍ പോലീസ് സ്റ്റേഷനിലെ എസ്.ഐ സജീവ് കുമാര്‍ കഴിഞ്ഞ ദിവസം രാവിലെ ബിന്ദുവിന്റെ വീട്ടിലെത്തി. ബിന്ദുവിന്റെ മകന്‍ അര്ജുനന് അടിപിടി കേസില്‍ പരുക്കേറ്റിരുന്നു. പിന്നീട് മെഡിക്കല്‍ കോളേജ് ആശുപത്രിയില്‍ ചികിത്സയിലുമായിരുന്നു.
എന്നാല്‍ ചികിത്സ കഴിഞ്ഞെത്തിയ അര്‍ജുനന്റെ മൊഴി രേഖപ്പെടുത്താനും നോട്ടീസ് നല്‍കാനുമാണ് എസ്.ഐ എത്തിയത്. നോട്ടീസ് നല്‍കിയ ശേഷം നോട്ടീസ് കിട്ടി എന്ന് രേഖപ്പെടുത്തി ഒപ്പുവയ്പ്പിക്കുകയും ചെയ്തു. എന്നാല്‍ ഇത് കഴിഞ്ഞു ബിന്ദുവുമായി വാക്കു തര്‍ക്കം ഉണ്ടാവുകയും ബിന്ദുവും മറ്റൊരു സ്ത്രീയും തന്നോട് അശ്ലീലം പറയുകയും നെഞ്ചത്ത് ഇറ്റിച്ചതായും എസ്.ഐ എലത്തൂര്‍ പോലീസില്‍ മൊഴി നല്‍കി.
