ജിഷ്ണുവിന്റെ അമ്മയ്ക്കും ബന്ധുക്കള്‍ക്കും നേരെയുണ്ടായ പൊലീസ് നടപടികളെ ന്യായീകരിച്ച് ഐജി മനോജ് എബ്രഹാമിന്റെ റിപ്പോർട്ട്. പൊലീസ് അതിക്രമം നടത്തിയെന്നതിന് തെളിവില്ലാത്ത സാഹചര്യത്തിൽ ഉദ്യോഗസ്ഥർക്കെതിരെ ഒരു നടപടിയും വേണ്ടെന്നാണ് ഐജി, ഡിജിപിക്കു നൽകിയ റിപ്പോർട്ടിൽ പറയുന്നത്.
അതേസമയം, ഐജിയുടെ റിപ്പോർട്ട് സ്വീകാര്യമല്ലെന്ന് ജിഷ്ണുവിന്റെ കുടുംബം പറഞ്ഞു. അവിശ്വസനീയമായ റിപ്പോര്‍ട്ടാണ് ഇതെന്നും ജിഷ്ണുവിന്റെ അമ്മാവൻ ശ്രീജിത്ത് പറഞ്ഞു. ടെലിവിഷൻ ചാനലുകൾ മുന്നിൽ വരാത്ത ചില സംഭവങ്ങളും ഉണ്ടായി. ഇക്കാര്യങ്ങളെല്ലാം ഡിജിപിയോട് നേരിട്ട് പറഞ്ഞിട്ടുണ്ടെന്നും അദ്ദേഹം വ്യക്തമാക്കി.
