പനിച്ച് വിറച്ച് സംസ്ഥാനം. മൂന്ന് ദിവസത്തിനിടെ പനിബാധിച്ച് മരിച്ചത് 24 പേരാണ്. മരണപ്പെട്ടവരില്‍ 9 പേരും എച്ച്‌വണ്‍ എന്‍വണ്‍ ബാധിച്ചാണ് മരിച്ചത്. കൂടാതെ എലിപ്പനി ബാധിച്ച് എട്ടുപേരും മരിച്ചിട്ടുണ്ട്. സംസ്ഥാനത്ത് വിവിധ സര്‍ക്കാര്‍ ആശുപത്രികളിലായി 37314 പേരാണ് പനിബാധിച്ച് ചികിത്സയില്‍ കഴിയുന്നത്. അതേസമയം മൂന്നു ദിവസത്തിനിടെ 344 പേര്‍ക്കാണ് ഡെങ്കിപ്പനി സ്ഥിരീകരിച്ചത്. വിവിധ സര്‍ക്കാര്‍ ആശുപത്രികളില്‍ ഇന്നലെ മാത്രം 11694 പേര്‍ പനിക്ക് ചികിത്സ തേടി.
