ചാലക്കുടിയിൽ അപ്രതീക്ഷിതമായുണ്ടായ ചുഴലിക്കാറ്റിൽ തകിടം മറിഞ്ഞ് ജനങ്ങൾ. നഗരത്തിലും പരിസരപ്രദേശങ്ങളിലും ചുഴലിക്കാറ്റ് വൻ നാശനഷ്ടമാണ് ഉണ്ടാക്കിയിരിക്കുന്നത്. പൊലീസ് സ്റ്റേഷൻ, സുരഭി സിനിമ തിയേറ്റർ എന്നിവടങ്ങളിലെ ഷീറ്റിട്ട മേൽക്കൂര കാറ്റിൽ പറന്നുപോയി.
കാറ്റില്‍ കെട്ടിടങ്ങൾക്കൊപ്പം നിരവധി വീടുകളും തകര്‍ന്നു. മരങ്ങള്‍ ഒടിഞ്ഞുവീണു വാഹനങ്ങള്‍ക്കു കേടുപാടുണ്ടായി. രൂക്ഷമായ വെള്ളക്കെട്ടില്‍ നഗരത്തിലെ പല വ്യാപാര സ്ഥാപനങ്ങളിലും വെള്ളം കയറി. സുരഭി തിയറ്ററിന്റെ ഷീറ്റുകള്‍ തകര്‍ന്നതോടെ, സിനിമ കാണാനിരുന്നവര്‍ ഓടി രക്ഷപ്പെട്ടു. ആളപായമില്ലെന്നു പൊലീസ് പറഞ്ഞു.
