നവമാധ്യമങ്ങളിലൂടെ സ്ത്രീകളെ അധിക്ഷേപിക്കുന്ന വീഡിയോ പോസ്റ്റ് ചെയ്‌തയാളെ മർദ്ദിച്ച സംഭവത്തിൽ ഡബിംഗ് ആർട്ടിസ്റ്റ് ഭാഗ്യലക്ഷ്‌മി അടക്കമുള്ളവർ നൽകിയ ജാമ്യാപേക്ഷയെ എതിർത്ത് സർക്കാർ. ഇവർക്ക് ജാമ്യം നൽകുന്നത് നിയമം കയ്യിലെടുക്കുന്നതിന് പ്രചോദനമങ്കുമെന്ന് ചൂണ്ടികാണിച്ചാണ് ജാമ്യാപേക്ഷയെ പ്രോസിക്യൂഷൻ എതിർത്തത്.
ഭാഗ്യലക്ഷ്‌മിയെ കൂടാതെ ദിയ സന,ശ്രീലക്ഷ്‌മി അറയ്‌ക്കൽ എന്നിവരാണ് കേസിലെ മറ്റ് പ്രതികൾ,മുറിയിൽ അതിക്രമിച്ച് കടന്നു,മോഷണം എന്നിങ്ങനെ അഞ്ചു വർഷം വരെ തടവ് ലഭിക്കാവുന്ന കുറ്റങ്ങളാണ് ഇവർക്കെതിരെ ചുമത്തിയിരിക്കുന്നത്. അശ്ലീല വീഡിയോ പോസ്റ്റ് ചെയ്ത കേസിൽ അറസ്റ്റിലായ വിജയ് പി നായരെ നേരത്തെ റിമാൻഡ് ചെയ്‌തിരുന്നു.
