വിനോദ് ഓണ്‍ലൈന്‍ വിവാഹ വെബ്‌സൈറ് വഴി ഒണംതുരുത്തിലുള്ള യുവതിയുമായി വിവാഹം ഉറപ്പിച്ച ശേഷം മൂന്നു മാസം മുമ്പ് കുറുമുള്ളൂര്‍ ക്ഷേത്രത്തില്‍ വച്ച് വിവാഹം നടന്നു. ഇവരുടെ വീട്ടില്‍ വിനോദും താമസം ആരംഭിച്ചു. ഇതിനിടെ വിവാഹ ഫോട്ടോ പലര്‍ക്കും അയച്ചുകൊടുത്തു. എന്നാല്‍ ഇതില്‍ ചിലത് ചെങ്ങന്നൂരുള്ള ആദ്യ ഭാര്യയ്ക്കും ലഭിച്ചു. ഈ വിവരം മനസിലാക്കിയ വിനോദ് രണ്ടാമത്തെ ഭാര്യയുമായി കാസര്‍കോട്ടേക്ക് മുങ്ങി.
തൊട്ടു പിന്നാലെ ആദ്യ ഭാര്യ രണ്ടാമത്തെ ഭാര്യയുടെ വീട്ടുകാരെ സമീപിച്ചു. വിനോദിന്റെ ആദ്യ വിവാഹത്തെ കുറിച്ച് അറിഞ്ഞതിനെ തുടര്‍ന്ന് രണ്ടാമത്തെ ഭാര്യയുടെ വീട്ടുകാര്‍ ഏറ്റുമാനൂര്‍ പോലീസില്‍ യുവതിയെ കാണാനില്ലെന്ന് പരാതി നല്‍കി. തുടര്‍ന്ന് പോലീസ് കാസര്‍കോട്ടെത്തി വിനോദിനെയും രണ്ടാമത്തെ ഭാര്യയേയും കസ്റ്റഡിയിലെടുത്തു.
എന്നാല്‍ വിനോദ് തന്നെ മര്‍ദ്ദിച്ചു നഗ്‌നഫോട്ടോ എടുത്ത് ഭീഷണിപ്പെടുത്തി വിവാഹത്തിന് വീട്ടില്‍ നിന്ന് ലഭിച്ച ഒന്നര ലക്ഷത്തോളം രൂപയും സ്വര്‍ണ്ണവും തട്ടിയെടുത്ത് എന്നും യുവതി പോലീസില്‍ പരാതി പറഞ്ഞു. വിനോദിനെതിരെ അതിക്രമം, പീഡനം തുടങ്ങിയ വകുപ്പുകള്‍ വച്ച് കേസ് രജിസ്റ്റര്‍ചെയ്ത അന്വേഷണം ആരംഭിച്ചു.
