കാസര്‍കോട്ടെ ചെങ്കളയില്‍ മൂന്നംഗ കുടുംബത്തെ ആത്മഹത്യ ചെയ്ത നിലയില്‍ കണ്ടെത്തി. തിരുവനന്തപുരം സ്വദേശി തയ്യല്‍ തൊഴിലാളി മിഥിലാജ് (55), ഭാര്യ പൊവ്വല്‍ മാസ്തിക്കുണ്ട് സ്വദേശിനി സാജിദ (33), മകന്‍ ഫഹദ് (13) എന്നിവരെയാണ് ചെങ്കള തൈവളപ്പില്‍ ക്വര്‍ട്ടേഴ്സില്‍ മരിച്ച നിലയില്‍ കണ്ടെത്തിയത്.
വിഷം കഴിക്കാന്‍ ഉപയോഗിച്ച ഗ്ലാസുകളും മൃതദേഹങ്ങള്‍ക്കരികില്‍ കണ്ടെത്തി. മിഥിലാജും സാജിദയും ഇന്ദിരാ നഗറില്‍ തയ്യല്‍കട നടത്തി വരികയായിരുന്നു. കോവിഡ് വ്യാപനം മൂലം മാസങ്ങളായി തൊഴിലും വരുമാനവും ഇല്ലാതിരുന്ന ഇവര്‍ക്ക് ബന്ധുക്കളുമായും അടുത്ത ബന്ധമില്ലായിരുന്നു എന്ന് അയല്‍ക്കാര്‍ അറിയിച്ചു. സാമ്പത്തിക പ്രതിസന്ധിയാവാം ആത്മഹത്യയ്ക്ക് കാരണം എന്നാണു നിഗമനം. മകന്‍ ഫഹദ് അടുക്കത്ത് ബയല്‍ സ്‌കൂളിലെ എട്ടാം ക്ലാസ് വിദ്യാര്‍ത്ഥിയാണ്.
