പറവൂര്‍ ചിറ്റാറ്റുകര പൂയപ്പിള്ളി മാട്ടുമ്മല്‍ എം.എസ്.ഷനിലിനാ (36) ണ് കേരള ഭാഗ്യക്കുറിയുടെ ചൊവ്വാഴ്ചത്തെ സ്ത്രീശക്തി നറുക്കെടുപ്പില്‍ ഒന്നാം സമ്മാനം ലഭിച്ചത്. ഷനിലിന് കണ്ണൂര്‍ അഴീക്കലില്‍ വലകെട്ട് ജോലിയാണ്. ഒരു മാസം കൂടുമ്പോഴാണ് വീട്ടില്‍ എത്തുക. പണിസ്ഥലത്തിനു സമീപത്തെ കംഫര്‍ട്ട് സ്റ്റേഷനില്‍ പണം വാങ്ങാനിരിക്കുന്നവരില്‍നിന്നു വാങ്ങിയ രണ്ട് ടിക്കറ്റിലൊന്നിനാണ് സമ്മാനമടിച്ചത്. നാട്ടിലെത്തി സമ്മാനാര്‍ഹമായ ടിക്കറ്റ് ബാങ്ക് ഓഫ് ഇന്ത്യയില്‍ ഏല്‍പ്പിച്ചു.
