വ്യവസായ സുരക്ഷാ സേന, റിസര്‍വ് പൊലീസ് ബറ്റാലിയന്‍, ഇന്തോ ടിബറ്റന്‍ അതിര്‍ത്തി സേന, അതിര്‍ത്തി രക്ഷാ സേന എന്നിവയ്ക്ക് പുറമേ കര്‍ണ്ണാടക സായുധ പൊലീസും സുരക്ഷയൊരുക്കാന്‍ എത്തും. സുരക്ഷാ സം‍വിധാനങ്ങളും മറ്റും വിലയിരുത്താനായി മുഖ്യ തെരഞ്ഞെടുപ്പ് കമ്മീഷണര്‍ ഡോ.നാസിം സെയ്ദ് മേയ് രണ്ടിനു സംസ്ഥാനത്തെത്തും.
സംസ്ഥാനത്തൊട്ടാകെ 22,400 പോളിംഗ് കേന്ദ്രങ്ങളാവും ഉണ്ടാവുക. ഇവയിലൊട്ടാകെ 40,000 ഓളം ബൂത്തുകളുണ്ടാവും. കണ്ണൂര്‍, കോഴിക്കോട്, വയനാട്, കാസര്‍കോട്, ആലപ്പുഴ ജില്ലകളിലാണ് അതീവ പ്രശ്നബാധിത ബൂത്തുകള്‍ ഉള്ളതായി കണക്കാക്കിയിരിക്കുന്നത്. കഴിഞ്ഞ പാര്‍ലമെന്‍റ് തെരഞ്ഞെടുപ്പ് സമയത്ത് സംസ്ഥാനത്ത് കേന്ദ്രസേനയുടെ 55 കമ്പനികളായിരുന്നു സുരക്ഷാ സം‍വിധാനത്തിനായി വിന്യസിച്ചിരുന്നത്
