പിണറായി സർക്കാർ ചുമത്തിയ യുഎപിഎ നിലനിൽക്കുന്നത് ഒരേയൊരു കേസിലാണ്. ഭീകര സംഘടനയായ ഇസ്ലാമിക് സ്‌റ്റേറ്റില്‍ ചേരാന്‍ അഫ്ഗാനിസ്ഥാനിലേക്ക് പോയ കാസര്‍കോട് സ്വദേശികള്‍ക്കെതിരെ ചുമത്തിയ കേസാണ് നിലനില്‍ക്കുക. കാസര്‍കോട് ചന്ദേര പൊലീസ് സ്റ്റേഷന്‍ രജിസ്റ്റര്‍ ചെയ്ത ഈ കേസില്‍ മാത്രമാണ് ഇടത് സര്‍ക്കാര്‍ ഇപ്പോൾ കുറ്റപത്രം നല്‍കിയിരിക്കുന്നതും.
മുഖ്യമന്ത്രി നിയമസഭയില്‍ നല്‍കിയ ഉറപ്പിന്റെ അടിസ്ഥാനത്തിലാണ് യുഎപിഎ കേസുകള്‍ പുനഃപരിശോധിക്കാന്‍ പ്രത്യേക സമിതിയെ നിയോഗിച്ചത്. എഴുത്തുകാരനും സാമൂഹ്യപ്രവര്‍ത്തകനുമായ കമല്‍ സി ചവറയ്‌ക്കെതിരെ യുഎപിഎ ചുമത്തിയിട്ടില്ലെന്ന് ഡിജിപി ഇന്നലെ പറഞ്ഞിരുന്നു. തുടരെയുണ്ടായ വിവാദങ്ങൾക്കൊടുവിലാണ് യുഎപിഎ കേസുകള്‍ പുനഃപരിശോധിക്കുമെന്ന് മുഖ്യമന്ത്രി വ്യക്തമാക്കിയത്,.
