ഉത്സവത്തിന് ചെണ്ടക്കാര്‍ക്കൊപ്പം ചുവടുവച്ച് സാമൂഹിക മാധ്യമങ്ങളില്‍ ശ്രദ്ധപിടിച്ചുപറ്റിയ ദേവുവിന്റെ പിതാവ് ആത്മഹത്യ ചെയ്തനിലയില്‍. ആലപ്പുഴ നൂറനാട് എരുമക്കുഴി മീനത്തേതില്‍ ചന്ദ്രബാബു(38) ആണ് ഇന്നുരാവിലെ ആത്മഹത്യ ചെയ്തത്. തലച്ചോറിലെ കോശങ്ങള്‍ നശിക്കുന്ന രോഗമുള്ള ദേവുവിനെ ഒരാഴ്ച മുന്‍പാണ് സ്ഥിതി ഗുരുതരമായതിനെ തുടര്‍ന്ന് എസ് ഐ ടിയിലേക്ക് മാറ്റിയത്. എസ് ഐടിക്കു പിന്നിലെ മരത്തിലാണ് ചന്ദ്രബാബുവിനെ തൂങ്ങിമരിച്ച നിലയില്‍ കണ്ടെത്തിയത്.
